चितवन , साउन ३१ । प्रत्येक महिना गाउमा पुग्ने कार्यक्रम अन्र्तगत आज प्रधानमन्त्री डा बाबुराम भट्टराई चितवन आउँदै हुनुहुन्छ । चितवनको पहाडि गाउँ सिद्धिमा आज प्रधानमन्त्रीलाई बास बस्ने व्यवस्था मिलाईएको प्रमुख जिल्ला अधिकारी हिमनाथ दवडीले जानकारी दिनुभयो । प्रधानमन्त्री सगै नेपाल सरकारका मुख्य सचिब लिलामडी पौडेल पनि आउँदै हुनुहुन्छ । यसअघि प्रधानमन्त्रीले दिएको निर्देशन अनुसार गरिबी निवारण कोषले तयारी गरेको बिपन्न चेपाङ समुदायको जीवनस्तर उकास्ने कार्यक्रमको प्रकृया पनि भमणसगै अगाडि बढ्ने बताइएको छ । चेपाङ वस्तिको गरिबि निवारणका लागि कोषले झण्डै ३  करोड आर्थिक सहयोग गर्ने तयारी गरेको छ । साथै प्रधानमन्त्रीले सिद्धि गाबिसका ओडारमा बस्दै आएका बन्दीपुरे चेपाङलाई पनि भेट्ने इच्छा व्यक्त गर्नुभएको थियो । बन्दीपुरेको समाचार सन्चार माध्यममा आएपछि उहाँले चितवनका चेपाङ गाउको भ्रमण गर्ने चाहाना व्यक्त गर्नुभएको थियो । तर सिद्धि गाबिस अत्यान्तै बिकट भएकाले शक्तिखोरमा त्याहाँका चेपाङहरुलाई बोलाएर भेट गराउने तयारी गरिएको छ ।